03:30, 13 Qyrkúıek 2022 | GMT +6
Petropavl sý qoımasyna 500 myńǵa jýyq tuqy shabaǵy jiberildi
PETROPAVL. QazAqparat - Soltústik Qazaqstan oblysynyń sý aıdyndaryna balyq shabaqtary jiberilip jatyr. Bul jumys memlekettik tapsyrys aıasynda iske asady, dep habarlaıdy QazAqparat.
Balyq sharýashylyǵy komıtetiniń málimetinshe, 12 qyrkúıekte Petropavl balyq tálimbaǵy ortasha salmaǵy 13 gramm bolatyn 470 myń dana birjazǵy tuqy shabaqtaryn Petropavl sý qoımasyna jibergen.
Osy aptanyń sońyna deıin Sergeev sý qoımasyna taǵy 600 myń dana tuqy shabaǵy jiberiledi.
Sonymen qatar, qyrkúıek jáne qazan aılarynda Kishi Aral teńizin, Syrdarııa jáne Esil ózenderin, Balqash jáne Zaısan kólderin, sondaı-aq Qapshaǵaı jáne Shardara sý qoımalaryn balyqtandyrý josparlanyp otyr.
