Petropavl sport mektep-ınternatyndaǵy býllıng: tekseris bastaldy

PETROPAVL. KAZINFORM – Soltústik Qazaqstan oblysyndaǵy olımpıadalyq rezerv mektebinde bolǵan jaǵdaıǵa baılanysty Balalardyń quqyqtaryn qorǵaý komıteti birqatar shara qabyldady.

Komıtet tóraǵasynyń tapsyrmasymen kámeletke tolmaǵan jasóspirimge jáne onyń otbasyna kómek kórsetý, jaǵdaıdy jan-jaqty zerdeleý maqsatynda Psıhologııalyq qoldaý ortalyǵynyń mamandary óńirlik bala quqyqtary jónindegi ýákilmen birlesip oqıǵa ornyna jiberildi.

- Sonymen qatar, quzyreti aıasynda shara qabyldaý úshin Týrızm jáne sport mınıstrligine, baqylaýdy qamtamasyz etý úshin oblys ákimdigine jáne keıingi monıtorıng júrgizý úshin óńirlik ýákilge tıisti hattar joldandy, - delingen aqparatta.

Vedomstvo balalardyń quqyqtary men múddelerin qorǵaý bilim berý salasyndaǵy memlekettik saıasattyń negizgi basymdyǵy bolyp qala beretinin atap ótti.

Buǵan deıin óńirlik ýákildermen birlesip júrgizilgen monıtorıng barysynda mamandandyrylǵan sport mektepterinde qaýipsizdikti saqtaý boıynsha zańbuzýshylyqtar anyqtalǵan. Tıisti materıaldar sport salasyna jaýapty memlekettik organdarǵa joldanǵan.

Máseleni júıeli túrde sheshý úshin jańa oqý jylynan bastap «DosbolLIKE» atty antıbýllıngtik baǵdarlama iske qosyldy. Onyń maqsaty – balalar arasyndaǵy býllıngtiń aldyn alý, deńgeıin tómendetý jáne sport mektepterin qosa alǵanda, bilim berý uıymdarynda qaýipsiz ári syılastyqqa negizdelgen orta qalyptastyrý.