Petropavl polıtseıleri iz-túzsiz ketken 49 jastaǵy áıeldi izdestirýde
ASTANA. QazAqparat - Petropavl qalasynyń ІІB qylmystyq polıtsııa bólimi iz-túzsiz joǵalǵan 1969 jyly týǵan Baǵdat Qaıyrgeldiqyzy Madıarovany izdestirýde, dep habarlaıdy QazAqparat tilshisi SQO ІІD baspasóz qyzmetine silteme jasap.
Belgili bolǵandaı, 2018 jyldyń 8 tamyz kúni saǵat 22:00 shamasynda Petropavldaǵy Ýálıhanov kóshesi 19-shy úı mekenjaıyndaǵy úıinen shyǵyp ketken. Sodan beri joǵalǵan azamatshadan eshqandaı habar bolmaı otyr. Joǵalǵan áıel emdeý mekemeleriniń birinde esepte tur.
Ol orta boıly, tolyq deneli, qysqa qara shashty, kózderiniń túsi qońyr. Ústinde kók tústi kóılek, aq tústi kúrteshesi, aıaǵynda laktalǵan týflıi bolýy múmkin. Qolynda qyzyl tústi laktalǵan sómkesi bolǵan.
Atalǵan azamatsha jaıly qandaı da bir aqparat estigen jaǵdaıda Petropavl qalasynyń ishki ister basqarmasyna 8(7152)39-48-37, 39-48-07, 8-474-239-11-61 nemese 102 nómiri arqyly habarlasýǵa bolady.
