Petropavl men Qyzyljar aýdany karantınge jabylady
Soltústik Qazaqstan oblysy Sanıtarııalyq-epıdemıologııalyq baqylaý departamenti basshysynyń orynbasary Tatıana Gorlova brıfıng barysynda bas sanıtarııalyq dárigerdiń jańa qaýlysymen tanystyrdy.
9 qarasha saǵat 00.00-den bastap Petropavl qalasy men Qyzyljar aýdany karantınge jabylyp, perımetr boıynsha blokpostar qoıylady. Eldi mekenderge kirip-shyǵýǵa tyıym salynady. Alaıda, arnaıy qyzmetterge, medıtsınalyq tekserilýge kelgenderge, jumys orny bergen anyqtamasy bar kelip-ketip isteıtin jumysshylarǵa kirip-shyǵýǵa ruqsat beriledi.
«Qalǵandary karantındik shekteý kúsheıtilgen aımaqtan shyǵý ne kerisinshe kirý qajet bolǵan jaǵdaıda PTR-test jasatýlary qajet. Onyń nátıjesi tek 3 kúnge ǵana jaramdy. Bul anyqtama 5 jasqa deıingi balalarǵa qajet emes», - deıdi Tatıana Gorlova.
Mamannnyń aıtýynsha, karantındik shekteý sharalary kúsheıtilgen aýmaqta adam kóp jınalatyn túrli sporttyq, mádenı is-sharalardy, toı-tomalaqtardy ótkizýge tyıym salyndy. Sondaı-aq otbasylyq jáne basqa da túrli is-sharalardy ótkizýge jekemenshik úılerdi jalǵa berýge tyıym bar.
«Kınoteatrlar, túngi klýbtar, balalardyń oıyn alańdary, fýd-korttar, oıyn-saýyq mekemeleri, akvaparkter jáne dine mekemelerdiń jumysy ýaqytsha toqtatyldy. Medıtsınalyq ortalyqtar aldyn ala jazylý boıynsha qabyldaı alady. Saýda úıleri men dúkenderdiń jumys ýaqyty da shekteledi.
«Oblysta KVI juqtyrǵandardyń 56% Petropavlǵa tıesili. Al Qyzyljar aýdanynda 8% artqan. Bul - óte úlken kórsetkish. Oblysta aýyryp jatqan naýqastardyń 46% - 50 jastan asqandar. Sol sebepti barlyq oblys turǵyndaryn saqtyq sharalaryn ustanýǵa shaqyramyn. Qolǵa alynǵan is-sharalarǵa túsinistikpen qaraýlaryńyz kerek», - deıdi Sanıtarııalyq-epıdemıologııalyq baqylaý departamenti basshysynyń orynbasary Tatıana Gorlova.