Petropavl mektepterinde teraktilerden qorǵaný joldary úıretilýde
PETROPAVL. QazAqparat - Azamattyq qorǵaý basqarmasynyń qyzmetkerleri Petropavl qalasynyń jalpy bilim beretin mektepterindegi bastaýysh synyp muǵalimderin oqytýdy uıymdastyrdy, dep habarlady SQO TJD baspasóz qyzmeti.
Qutqarýshylar pedagogtarǵa tótenshe jaǵdaı oryn alǵanda qandaı sharalar qabyldaý qajettigin úıretti.
№3 órt bólimshesi bastyǵynyń orynbasary, azamattyq qorǵanys aǵa leıtenanty Janat Haırlın mektepterdegi órtti sóndirýdiń erekshelikterin túsindirip, balalardy qaýipsiz aımaqqa kóshirýdiń tıimdi ádisterin kórsetti. №17 ulttyq jandaný orta mektep-kesheniniń 4-synyp oqýshylary oqytý aıasynda qaýipsiz jerge kóshirildi.
Apatty medıtsına ortalyǵy fılıalynyń qyzmetkerleri - dáriger Olga Dýdkına men brıgada feldsheri Gennadıı Zabolotskıı zardap shekkenderge alǵashqy kómek kórsetý joldaryn úıretti.
Oqý barysynda terrorıstik akt kezindegi tótenshe jaǵdaıda halyq pen laýazymdy tulǵalardyń áreketi jaıly dáris oqyldy.
