Petropavl mańyndaǵy órtti sóndirýge 110 maman men 30-dan astam tehnıkaa jumyldyryldy
PETROPAVL. KAZINFORM — Petropavlda qatty turmystyq qaldyqtar polıgonynyń mańyndaǵy órtti sóndirýge tórt jaýyngerlik ýchaske quryldy.
Soltústik Qazaqstan oblysy Tótenshe jaǵdaılar departamenti baspasóz qyzmetiniń málimetinshe, Shahovskoe aýylynyń mańynda shyqqan órt shamamen 6 ga aýmaqty sharpyǵan.
Mamandar birneshe saǵat boıy tilsiz jaýmen kúresip jatyr.
— Qazirgi ýaqytta órt sóndirýshiler bir ýchaskedegi janýdy tolyq sóndirdi. Qalǵan eki ýchaskede órtti sóndirý jumystary jalǵasyp jatyr.
Jalynmen kúreske SQO Tótenshe jaǵdaılar departamentiniń 110 qyzmetkeri men 31 tehnıkasy jumyldyrylǵan, — delingen baspasóz habarlamasynda.
Mamandardyń aıtýynsha, oqıǵa ornynda jedel shtab qurylǵan. Sonymen qatar, temirjol kásipornynyń órt sóndirý poıyzy qosymsha tartyldy.
Jaǵdaıdy qatty jel qıyndatyp otyr. Qazirgi ýaqytta qutqarýshylardyń basty mindeti órttiń jeke turǵyn úı sektoryna jáne saıajaı ýchaskelerine taralýyna jol bermeý.
Jaǵdaı QR Tótenshe jaǵdaılar mınıstrliginiń baqylaýynda.
Buǵan deıin Petropavl mańynda qurǵaq shóp janyp, qatty jel onyń jaıylýyna áser etkenin jazǵan edik.
