Petropavl mańynda qurǵaq shóp órtenip, órt aýmaǵy ulǵaıdy
PETROPAVL. KAZINFORM — Petropavl mańynda tutanǵan órtti sóndirý úshin Soltústik Qazaqstan oblystyq tótenshe jaǵdaılar qyzmetiniń mamandary men tehnıkasy jumys istep jatyr.
Áleýmettik jelide órttiń beınejazbalary tarady.
Vıdeodan órttiń úlken aýmaqqa jaıylǵanyn kórýge bolady.
SQO Tótenshe jaǵdaılar departamenti baspasóz qyzmetiniń málimetinshe, órt qalalyq qatty turmystyq qaldyqtar polıgonynyń arǵy jaǵynda, Shahovskoe aýylynyń mańynda bastalǵan.
— Qurǵaq ósimdik órtenip jatyr. Oqıǵa ornyna qazir departamenttiń kúshteri men quraldary jumyldyrylǵan. Jaǵdaı baqylaýda, — delingen vedomstvo taratqan habarlamada.
Búgin óńirde ekpini sekýndyna 15-20 metrge deıin jetetin jel turdy. Bul da jalynnyń jaıylýyna áser etti.
Buǵan deıin Qaraǵandy oblysynda tabıǵı órt órshigenin jazǵan edik.
