Petropavl kóshelerine myńnan astam jol belgisi jetispeıdi
PETROPAVL. QazAqparat - Petropavl qalasynyń kóshelerine taǵy 1 001 jol belgisin ornatý qajet, dep habarlaıdy QazAqparat tilshisi.
«Qyzyljar - adaldyq alany» jobalyq keńsesin júzege asyrý barysynda arnaıy baqylaý toby sáýir men qyrkúıek aılary arasynda Petropavl qalasy kóshelerine baǵdarsham men jol belgilerin ornatýǵa qoǵamdyq monıtorıng júrgizedi.
Memlekettik qyzmet isteri jáne sybaılas jemqorlyqqa qarsy is-qımyl agenttigi SQO boıynsha departamenti baspasóz qyzmetiniń habarlaýynsha, qoǵamdyq baqylaýdyń maqsaty - tuǵyndardyń, sonyń ishinde kólik júrgizýshileriniń jol ınfraqurylymynyń jaraqtandyrylýyna qanaǵattaný deńgeıin bilý.
Nátıjesinde qala kóshelerine taǵy 1 001 jol belgisin ornatý qajettigi anyqtaldy. Turǵyndardyń pikirinshe, 1.21. «Balalar» jáne 3.24. «Eń joǵary jyldamdyqty shekteý» jol belgilerin oqý oryndary men balabaqshalardyń janynda 248-in qoıý kerek. Sondaı-aq, kóshelerde júk kóliginiń qozǵalysyn shekteý, jolaq boıynsha júrýge baǵyttaý jáne burylysty baǵyttaý sııaqty belgiler jetispeıdi. Oblys ortalyǵyndaǵy kóshe qıylystarynyń keıbirinde 5.33. «Toqtaý syzyǵy» joq.
Arnaıy baqylaý tobynyń músheleri bul jumystardy jalǵastyrmaq. Qoǵamdyq monıtorıngtiń nátıjesi, joldaǵy qaýipsizdikti qamtýǵa baǵyttalǵan usynystar men eskertýler «Qyzyljar - adaldyq alany» jobalyq keńsesinde talqylanyp, naqty sharalar qolǵa alynbaq.
