Petropavl kóshelerinde jol qozǵalys retteıtin áıel saqshylardy jurt tańdanyspen qabyldady
PETROPAVL. QazAqparat - Petropavlda jergilikti polıtsııa qyzmetinde jol qozǵalysy qaýipsizdigin qamtamasyz etý boıynsha áıelder vzvody quryldy, dep habarlady «QazAqparat» HAA tilshisi.
SQO ІІD baspasóz qyzmetinde quramynda 10 áıel bar vzvod jol qozǵalysyn retteıdi. Ázirge olar mereke kúnderi, jolda qaýipsizdik kúsheıtilgen kezde ǵana shyǵady.
«Bizdiń vedomstvoda áıelder erlermen teń qyzmet atqarady. Olar jolda quqyqtyq tártipti retteýge alǵash ret jumyldyrylýda. Biz jolda júretinderdiń retteý qaǵıdalaryn nazarǵa alǵanyn, retteýshiniń ym-ısharasyn zerdeleý qajettigin, jaýapkershilikti sezingenin qalaımyz», - dedi jergilikti polıtsııa qyzmetiniń bastyǵy polıtsııa polkovnıgi Qanat Aıtbaev.
Bir aı aralyǵynda tártip saqshylary taǵylymdamadan, oqytýdan ótti. Birinshi kúnderi olar er áriptesterimen birge qıylystarda jumys istedi. Qazir jumystaryn ózderi atqaryp júr.
Jol-patrýldik polıtsııa ınspektory polıtsııa kapıtany Indıra Tóleýova jolda turǵan ınspektorlardyń jumysy kúrdeli, jaýapty ekeni jaıly oılamaǵanyn aıtty.
