Petropavl kóshelerinde polıtsııanyń «dabyl batyrmalary» iske qosyldy
Soltústik Qazaqstan oblysy Polıtsııa departamenti baspasóz qyzmetiniń málimetinshe, jańa jyl qarsańynda Petropavldaǵy «Jas Órken» yqshamaýdanynda № 4 ýchaskelik polıtsııa pýnktiniń jańa ǵımaraty ashyldy. Yqsham aýdannyń aýmaǵy 12 sharshy shaqyrymnan astam, onda 24 078 adam turady. Alaıda halyq sany áli de artpaq, óıtkeni munda turǵyn úı qurylysy qarqyn alǵan.
Aýmaqqa 7 ýchaskelik ınspektor qyzmet kórsetedi. Eki qabatty ǵımarattyń birinshi qabatynda keńse ornalassa, ekinshi qabat turýǵa arnalǵan. Buǵan deıin qyzmettik turǵyn úımen biriktirilgen ýchaskelik polıtsııa pýnktteri tek aýdandarda ǵana ashylǵan edi. Jańa nysannyń ashylý saltanatynda SQO PD bastyǵy Marat Tólebaev jumystyń servıstik modeline kóshý aıasynda halyqpen is-qımyl jasaýdyń negizgi prıntsıpteri qoljetimdilik, jedel jáne mobıldi áreket etý ekenin atap ótti. Bulardyń iske asyrylýyna jańa biriktirilgen keńselerdiń jumysy septigin tıgizbek.
Sondaı-aq bul kúni eki «dabyl batyrmasy» qoldanysqa engizildi. «Altyn arman» jáne «Evrazııskıı» bazarlaryna jaqyn jerge qoıylǵan ol alystan anyq kórinedi. Apparattyq-baǵdarlamalyq keshen polıtsııamen qas-qaǵym sátte aýdıo jáne beıne baılanys jasaýǵa múmkindik beredi. Batyrma jerden 1 metr bıiktikte ornalasqan, ony balalar da paıdalana alady. «Dabyl batyrmasy» qala ákiminiń jáne SQO PD konsýltatıvtik-keńesshi organ músheleriniń qatysýymen ashyldy.
«Tehnıkalyq jańashyldyq qaýipsizdik jáne túrli jaǵdaılarda telefondy alyp, «102» nómirine terýge ýaqyt tapshy bolǵan kezde adamdarǵa habarlasýǵa qolaıly bolýy úshin ornatyldy. Beınejazba qyzmetkerlerge jaǵdaıdy, qaýip deńgeıin shuǵyl baǵalaýǵa jáne jasaqtardyń áreketterin úılestirýge múmkindik beredi. Aıta ketetin bolsaq, 2021 jyl ІІM júıesi úshin «»quqyq buzýshylyqtyń aldyn alý jáne «halyqqa jaqyn polıtsııa» qaǵıdatyn qamtamasyz etý jyly» dep jarııalandy. Bul qaǵıdatty iske asyrýda birqatar jańashyldyq jumysymyzǵa engizildi», - deıdi polıtsııanyń general-maıory Marat Tólebaev.
