Petropavl kósheleri muz aıdynyna aınaldy
PETROPAVL. QazAqparat - Búgin Petropavlda jańbyr jaýyp, aýa temperatýrasynyń tómendeýi saldarynan qala kósheleri muz aıdynyna aınaldy, dep habarlaıdy «QazAqparat» HAA tilshisi.
SQO ІІD baspasóz qyzmeti málim etkendeı, oblys ortalyǵynda 6 apat tirkelgen. Eshkim zardap shekpegen.
Petropavl ákiminiń baspasóz qyzmeti habarlaǵandaı, tańǵy saǵat 10.00-den bastap qala kóshelerine qum sebetin 6 jáne trotýarlarǵa qum tóseıtin 2 mashına shyqqan.
Kóktaıǵaqqa qarsy jumysty 4 kásiporyn júrgizip jatyr. Qala aýmaǵy marshrýttarǵa bólingen. Kúnine 55 tekshe kóktaıǵaqqa qarsy materıal jumsalyp jatyr.
Sondaı-aq, jeli qoldanýshylary qaladaǵy jol apatynyń sýretterimen jáne muz aıdynyna aınalǵan trotýarlardyń jaǵdaıymen bólisýde.
