Petropavl — Qorǵan tas joly «saqaldy» qurylysqa aınalǵan
PETROPAVL. KAZINFORM — Halyqaralyq mańyzy bar «Petropavl-Qorǵan» tas jolynyń salynyp jatqanyna bıyl 8 jyl boldy.
Kúrdeli jóndeý 2017 jyly bastaldy. Halyqaralyq trassanyń 60 km jóndeýge el qazynasynan 27 mlrd teńge bólindi. Jospar boıynsha bul aýqymdy joba 2019 jyldyń kúzinde tapsyrylýy kerek edi. Alaıda sodan beri tek 15 shaqyrym ǵana asfalt tóselgen.
«Qazavtojol» UK» AQ SQO fılıaly mamandardyń aıtýynsha, bul — qozǵalys kúni-túni báseńdemeıtin trassalardyń biri, táýligine orta eseppen 3 myńnan astam kólik júredi.
— Segiz jylda qurylys materıaldarynyń baǵasy aıtarlyqtaı ósti. Sondyqtan joba túzetýge jiberildi. 2023 jyldyń qańtar aıynda basqa merdigermen kelisim jasaldy. Qazir olar tıisti jumysty atqaryp jatyr. Respýblıka qazynasynan qarjy ýaqytynda tússe, jóndeý jumystary jyldyń sońyna deıin aıaqtalýy tıis, — deıdi fılıal dırektorynyń orynbasary Andreı Chervonıýk.
SQO-ǵa 2023 jyly jumys saparymen kelgen Kólik mınıstri Marat Qarabaev qurylysy sozylyp ketken bul joldyń 2024 jyly paıdalanýǵa beriletinin sendirgen edi.
Buǵan deıin SQO-da respýblıkalyq mańyzy bar Jezqazǵan — Petropavl tas jolynyń jóndelip jatqanyn jazǵan edik.