Petropavl kolonııasynda qurylys materıaldary óndirilýde
PETROPAVL. QazAqparat - Petropavl kolonııasynda SIP-panelderin óndiriledi, dep habarlaıdy «QazAqparat» HAA SQO ındýstrııalyq-ınnovatsııalyq damý basqarmasyna silteme jasap.
«SQO Arǵyn» JShS jobasy kásipkerlikti qoldaýdyń óńirlik kartasyna engizilgen. Túzeý mekemesinde ornalasqan óndiriste 13 adam jumys isteıdi. Kásiporyn dırektory Ibraı Salyqovtyń aıtýyna qaraǵanda, SIP-panelderin qurylysta keńinen qoldanylady.
Oblys ákiminiń orynbasary Dáýren Jandarbek kásiporyn jumysymen tanysty. Indýstrıalyq-ınnovatsııalyq damý basqarmasy basshysynyń orynbasary Jeńis Asanovtyń aıtýynsha, bul joba Memleket basshysynyń bazalyq salalardy damytý baǵytyna qoıǵan talaptaryn júzege asyrýǵa jasalǵan qadam bolmaq.
«Atalǵan karta mamyr aıynda jandandyryldy. Oǵan 4 mlrd teńgeden astam somany quraıtyn 4 joba qosyldy. 2 myńnan astam jumys ornyn qurý josparlanyp otyr», - dedi Jeńis Asanov.
