Petropavl qalasynyń ortalyǵynda avtomobıl aýdarylyp qaldy
PETROPAVL. QazAqparat -Petropavl qalasynyń ortalyǵyndaǵy Mır jáne Abaı kósheleriniń qıylysynda avtomobıl aýdarylyp qaldy, dep habarlaıdy «QazAqparat» tilshisi.
Oqıǵa ornynan túsirilgen fotosýretter men vıdeolar áleýmettik jelilerge tarap jatyr.
SQO ІІD baspasóz qyzmetiniń habarlaýynsha, jol-kólik oqıǵasynyń saldarynan eshkim zardap shekken joq.
«Mır kóshesimen kele jatqan FAT avtomobıliniń júrgizýshisi solǵa burylǵan kezde Audi kóligine jol bermegen. Sonyń saldarynan eki kólik soqtyǵysyp qaldy. Eki júrgizýshi de ishimdik ishpegen. Kóliktegi adamdardyń barlyǵy aman, eshkim zardap shekken joq»,-dep habarlaıdy vedomstvonyń baspasóz qyzmeti.
FAT avtomobıliniń júrgizýshisine qatysty QR ÁQBtK 610-baby, 2-bóligi boıynsha ákimshilik is qozǵaldy.
