Petropavl qalasyndaǵy iri saýda úıin órt shaldy
PETROPAVL. QazAqparat - Petropavl qalasyndaǵy «Aısberg» saýda úıi órtenip jatyr.
Ǵımarattyń mańyna júzdegen turǵyndar jınalǵan. Tilsiz jaý shamamen keshki saǵat 20.30 shamasynda týyndaǵan. Atap aıtqanda, saýda ortalyǵynyń shatyryn órt shalǵan. Ǵımarat ornalasqan kóshe qazir jabyq. Oqıǵa ornynda qalanyń órt sóndirý bólimderiniń qyzmetkerleri jumys istep jatyr. Órttiń shyǵý sebepteri men sharpyǵan aýmaǵynyń kólemi anyqtalýda.
