Petropavl qalasynda jeńil avtokólik sanaýly mınýtta janyp ketti
PETROPAVL. QazAqparat - Petropavlda jeńil avtokólik sanaýly mınýttarda tolyq órtenip ketti, dep habarlaıdy QazAqparat tilshisi.
Soltústik Qazaqstan oblysynyń TJD baspasóz qyzmetiniń málimetinshe, oqıǵa búgin túste bolǵan. «101» telefon nómirine saǵat ekiler shamasynda Jambyl kóshesindegi 53 úıdiń aýlasynda avtokóliktiń órtenip jatqandyǵy jóninde habar kelip túsedi.
Shaqyrtý boıynsha jetken órt sóndirýshiler «Aýdı-100» kóliginiń otqa oranǵanyn kórgen. Jalyn 10 mınýttyń ishinde tolyq sóndirilgenimen, mashına janyp ketti.
Mamandardyń aıtýynsha, avtokólik 5-10 mınýttyń ishinde tolyq janyp ketedi eken. Sol sebepti órttiń shyqqanyn baıqaǵan jaǵdaıda ony barynsha tez sóndirýge tyrysqan jón. ıAǵnı, tútin shyqqan jaǵdaıda jol jıegine toqtap, órt sóndirgishti qoldaný kerek. Basqa zatpen sóndirý nátıje bermeıdi, ári kúıip qalý qaýpi bar.
Eske sala ketsek, buǵan deıin Soltústik Qazaqstan oblysynda jyl basynan 21 avtokóliktiń órtengeni týraly habarlanǵan edi.
