Petropavl qalasy karantınge jabylady: túnge deıin turǵyndar qalaǵa kirip-shyǵa alady
NUR-SULTAN. QazAqparat - 3 sáýir kúni saǵat 00.00-de Petropavl qalasy aýmaǵyna karantın rejımi engiziledi, dep habarlaıdy QazAqparat tilshisi.
Bul týraly Soltústik Qazaqstan oblysynyń ákimi Qumar Aqsaqalov málimdedi.
«Kesheden beri bizdiń oblysta shekteý sharalary engizildi. Aýrýdyń taralý tendentsııasy bul sharalardy belsendirek júrgizýge májbúrlep otyr. 3 sáýir kúni saǵat 00.00-de Petropavl qalasy aýmaǵyna karantın rejımin engizý sheshimi qabyldandy», - dedi oblys ákimi «QYZYLJAR» telearnasynyń tikeleı efırinde.
Karantınniń basty maqsaty - vırýstyń taralý tizbegin úzý.
Kósheler men jaıaýjoldarda, alańdarda rezıfnektsııalyq jumys júrgiziledi. Úıler men uıymdarda sanıtarlyq tazalaý kúsheıedi. Barlyq qoǵamdyq oryndar, saıabaqtar men skverler jabyq.
«Petropavl qalasyna kirip-shyǵý 1 sáýirden beri shektelgen. Turǵyndar áli de qalaǵa kirip-shyǵa alady. Búgin túnde avtokólik qozǵalysyn tolyǵymen toqtatamyz. Qala mańy avtobýstary toqtatylady. Qalalyq qoǵamdyq kólik te tolyǵymen toqtaıdy», - dedi ákim.
Aıta keteıik, qazir oblysta koronavırýs juqtyrǵan 7 adam tirkeldi.
