Petropavl qalasynda 700 úıdiń qurylysy júrip, 200 úıdiń kilti tabystaldy
PETROPAVL. KAZINFORM – Soltústik Qazaqstan oblysyndaǵy sý tasqynynan zardap shekken otbasylar jańa úılerge qonystanýyn jalǵastyrýda.
Petropavl qalasyndaǵy «Birlik» shaǵyn aýdany jańa turǵyndarmen tolyqty. Búgingi tańda, sý tasqynynan zardap shekken otbasylar úshin 700 úıdiń qurylysy josparlanyp, 200 jańa turǵyn úı kiltteri tabys etildi.
Ónerkásip jáne qurylys mınıstri Qanat Sharlapaev jańa Birlik shaǵyn aýdanynda sý tasqynynan zardap shekkenderge salynyp jatqan úılerdiń qurylys barysymen tanysty. Sáıkesinshe, mınıstr zardap shekkenderge keltirilgen shyǵyndy óteý jónindegi jumystarmen, turǵyn úılerdiń jaı-kúıimen, keltirilgen zalaldyń nátıjelerimen jáne qajetti qosymsha qurylys jumystaryn barlap qaıtty.
Soltústik Qazaqstan oblysyna jumys sapary aıasynda Ónerkásip jáne qurylys mınıstri Qanat Sharlapaev Kopaı shaǵyn aýdanynda sý tasqynynan zardap shekkenderge salynyp jatqan úılerdiń qurylys barysymen tanysty.
Jalpy ıgeriletin jer kólemi 44,6 gektardy quraıdy. Munda 29 kópqabatty turǵyn úı salý josparlanýda. Bul jalpy aýdany 289,9 myń sharshy metr bolatyn 18 keshen. Qazirgi ýaqytta jalpy aýdany 73,1 myń m2 bolatyn 9 turǵyn úı salynýda. Kópqabatty úılerdiń qurylysyn aıaqtaý 2024-2025 jyldarǵa josparlanǵan.
Ónerkásip jáne qurylys mınıstri qurylys jumystarynyń tıimdiligi men sapasyn atap ótti.
Mınıstr Qanat Sharlapaev Soltústik Qazaqstan oblysy Qyzyljar aýdany Beskól aýylyndaǵy bes qabatty turǵyn úılerdiń qurylys barysymen tanysty.
Qurylys jumystaryn 2024 jyldyń jeltoqsan aıyna deıin aıaqtaý josparlanýda. Qurylystyń bas merdigeri – «Pavlodar zaýyty TEMІRMASh» JShS. Jobanyń negizgi daıyndyǵy 60% quraıdy.
Páter aýdany:
1 bólme – 44 sh.m. - 17 páter, jalpy aýdany 748 sh.m.
2 bólme - 56 sh.m. - 19 páter, jalpy aýdany 1064 sh.m.
3 bólme – 66,3 sh.m. - 14 páter, jalpy aýdany 929 sh.m.
Ónerkásip jáne qurylys mınıstri qurylys jumystarynyń tıimdiligi men sapasyn atap ótti. Kezekte turǵandardyń barlyǵyn pátermen qamtamasyz etý úshin aýdan ákimdigi ekinshi kezektegi turǵyn úı satyp alý tájirıbesin qoldanýda. Qazirgi tańda Soltústik Qazaqstan oblysynda 94 adam baspana kezeginde tur, onyń ishinde 14 kóp balaly otbasy.
QR Ónerkásip jáne qurylys mınıstrligi Ahýaldyq ortalyǵynyń málimetinshe, Soltústik Qazaqstan oblysynda barlyǵy 3 993 obektige tehnıkalyq tekserý júrgizildi, onyń nátıjeleri boıynsha:
- 700 úı salý - 200 aıaqtaldy;
- 1329 úı satyp alý - 836 satyp alyndy;
- 1964 úıge jóndeý jumystaryn júrgizý - 1001 aıaqtaldy.
