Petropavl qalasy ákiminiń orynbasary taǵaıyndaldy

PETROPAVL. KAZINFORM — Petropavl ákimi Serik Muhamedıevtiń ókimimen Marlen Sandybaev orynbasary bolyp taǵaıyndaldy. 

Ol ekonomıka, kásipkerlik, aýylsharýashylyq jáne veterınarııa salalaryna jaýapty bolmaq. 
Marlen Baǵytbekuly 1984 jyldyń 8 qańtarynda Qostanaı oblysy Arqalyq qalasynda dúnıege keldi. A.Baıtursynov atyndaǵy Qostanaı memlekettik ýnıversıtetin «ıÝrısprýdentsııa», K.Saǵadıev atyndaǵy halyqaralyq bıznes ýnıversıtetin «Memlekettik jergilikti basqarý» mamandyǵy boıynsha bitirgen.

Eńbek jolyn 2008 jyly prokýratýra organdarynan bastaǵan. Ár jyldary Qostanaı qalasy ákimdiginde, Sarykól aýdany ákiminiń apparatynda ártúrli laýazymdarda qyzmet atqarǵan.
Osy taǵaıyndaýǵa deıin Marlen Sandybaev Qostanaı oblysy Mendiqara aýdany ákiminiń orynbasary qyzmetin atqardy.

Buǵan deıin Darhan Satybaldy QR Prezıdentiniń Ákimshiligi Basshysynyń birinshi orynbasary bolyp taǵaıyndalǵanyn jazǵan edik.