Petropavl qalalyq ІІB 30 qyzmetkeriniń bir mezette jumystan shyǵýy olardyń jedel qyzmetterimen baılanysty emes - ІІM
ASTANA. 7 qyrkúıek. QazAqparat /Marlan Jıembaı/ - Petropavl qalalyq ishki ister basqarmasynyń 30 jedel qyzmetkeriniń bir mezette jumystan shyǵýy olardyń jedel qyzmetterimen baılanysty emes.
Bul týraly búgin QR Іshki ister mınıstrligi Memlekettik til jáne aqparat departamentiniń basshysy Nurdildá Oraz málim etti.
Mınıstrlik ókiliniń atap ótýine qaraǵanda, ózindik qaýipsizdik qyzmetkerleriniń jumystan shyǵýy olardyń jedel qyzmetterimen baılanysty emes. Soltústik Qazaqstan oblystyq ishki ister departamentiniń Ózindik qaýipsizdik basqarmasynyń qyzmetkerleri tarapynan jedel ýákilderdiń birine qylmysty jasyrý faktisi boıynsha qozǵalǵan qylmystyq is oqıǵanyń osylaısha órbýine túrtki bolǵan.
«Olardyń barlyǵy da jas qyzmetkerler. Laýazymynan bosatý týraly raport bergenderdiń ekeýi óz erikterimen jumystan ketti. Al áriptesteriniń sózine ergendikterin, jedel bólimshede óz qyzmetterin jalǵastyrǵylary keletindigin aıtqan 10 qyzmetker tártiptik komıssııa ótkennen keıin qyzmetterine qaıta qabyldandy. Qalǵandary oblystyq ishki ister departamentiniń jedel qyzmetpen baılanysty emes basqa bólimshelerine ornalasty», - dedi ol.
