Petropavl qalalyq polıtsııa basqarmasyna jańa bastyq taǵaıyndaldy
PETROPAVL. KAZINFORM — Petropavl qalalyq polıtsııa basqarmasyn polıtsııa podpolkovnıgi Serik Áljanov basqarady.
Soltústik Qazaqstan oblystyq polıtsııa departamentiniń bastyǵy Abaı Júsipov ony jeke quramǵa tanystyrdy.
Vedomstvonyń baspasóz qyzmetiniń málimetinshe, Serik Áljanovtyń ishki ister organdarynda 23 jyldyq eńbek ótili bar.
Qazaqstan Respýblıkasy Іshki ister mınıstrligi akademııasynyń Zań ınstıtýtynyń túlegi. Qyzmet jolyn tergeýshi retinde bastap, jedel ýákil bolyp jumys istegen.
2013 jyldan bastap basshylyq laýazymdarda qyzmet atqardy.
2021 jyldyń qyrkúıek aıynan bastap osy ýaqytqa deıin Soltústik Qazaqstan oblysy polıtsııa departamentiniń ákimshilik polıtsııa basqarmasyn basqardy.
Buǵan deıin Prezıdenttik jastar kadr rezerviniń múshesi Aıqoja Ábsadyqov Qazaqstan Respýblıkasy Oqý-aǵartý mınıstrliginiń departament dırektory bolyp taǵaıyndalǵanyn jazǵan edik.