Petropavl-Esil jolynda soqtyǵysqan úsh kóliktiń kúl talqany shyqty
ASTANA. QazAqparat - «Petropavl - Esil» tas jolynyń 36 shaqyrymynda bir-birine soqyǵysqan úsh kóliktiń kúl-talqany shyqty. Jol apatynyń aýyrlyǵyna qaramastan, eshkim zardap shekpegen, dep habarlaıdy «QazAqparat» HAA tilshisi.
Oqıǵa keshe tirkelgen. Soltústik Qazaqstan oblystyq ІІD baspasóz qyzmetiniń habarlaýynsha, «Sýbarý» avtokóligi «Nıssanmen» soqtyǵysyp, munyń saldarynan úshinshi «Gazel» kóligi de zardap shekken.
«Sýbarý» avtokóliginiń 31 jastaǵy júrgizýshisi kólikti ozar kezde tolyq qarap almaı, joldyń qarsy betine shyǵyp ketip, «Nıssanmen» soqtyǵysqan. Buǵan qosa ózimen bir baǵytta ketip bara jatqan «Gazel» kóligin de ilip áketken. Jol apatynan eshkim zardap shekken joq», - dep habarlaıdy SQO ІІD baspasóz qyzmeti.
Qazirgi ýaqytta polıtsııa qyzmetkerleri sotqa joldaý úshin «Sýbarý» avtokóliginiń júrgizýshisine qatysty is qozǵady. Quqyq qorǵaýshylar istiń mán-jaıyn anyqtaý ústinde.
