Petropavl emhanalaryndaǵy uzyn-sonar kezek məselesi sheshiletin boldy
PETROPAVL. QazAqparat - Petropavlda otbasylyq densaýlyq ortalyǵy ashyldy. Úshinshi qalalyq emhananyń fılıaly bolyp esepteletin mekeme densaýlyq saqtaý oryndaryndaǵy uzyn-sonar kezek máselesin sheshpek, dep habarlaıdy QazAqparat.
Otbasylyq densaýlyq ortalyǵy Prezıdent N.Nazarbaevtyń halyqqa sapaly medıtsınalyq qyzmet kórsetý tapsyrmasyn júzege asyrý maqsatynda ashyldy. Mekeme burynǵy SPID ortalyǵynyń ǵımaratynda ornalasqan. Bul jerde qala turǵyndaryn jalpy tájirıbelik dárigerler, pedıatrlar qabyldaıtyn bolady. Keıin olardyń qataryna ózge sala dárigerleri qosylmaq. Sondaı-aq, medıtsınalyq saraptamalardy da osy jerde jasatýǵa bolady.
«Jańa jyldan bastap dárihana ashylady. Sondaı-aq, ózge sala mamandary máselesin de sheshemiz. Ázirshe, olarǵa qaralý úshin úshinshi emhanaǵa baratyn bolady. Jalpy, mundaı ortalyqtar Petropavldaǵy taǵy eki emhanada jańa jyldan keıin ashylmaq», - deıdi SQO Densaýlyq saqtaý basqarmasynyń basshysy Tımýr Sultanǵazıev.
Otbasylyq densaýlyq ortalyǵy ashylmaı turyp, úshinshi qalalyq emhanaǵa 70 myń turǵyn tirkelgen eken. Endi onyń 12 myńy osy ortalyqqa qaralatyn bolady.
