Petropavl aınalma jolynyń ýchaskesi ýaqytsha jabylady
ASTANA. KAZINFORM – 30 shildeden bastap Petropavl qalasynyń aınalma jolynyń ýchaskesinde qozǵalysqa ýaqytsha shekteý engiziledi.
«QazAvtoJol» ulttyq kompanııasy Petropavl gıdrotorabynyń avtojol kópirinde jol tósemine jóndeý jumystary júrgiziletinin habarlady.
Osyǵan baılanysty 2026 jylǵy 30 shilde saǵat 09:00-de Soltústik Qazaqstan oblysyndaǵy respýblıkalyq mańyzy bar KZ15-09 «Petropavl qalasynyń aınalma joly» avtomobıl jolynyń 25 - 30 shaqyrym aralyǵynda (20-yqshamaýdan aınalma jol aıryǵynan Mamlıýtka aınalma jol aıryǵyna deıin) avtokólik qozǵalysyna ýaqytsha shekteý engiziledi.
Jóndeý jumystary kezeńinde:
– jeńil avtokólikterdiń qozǵalysy Petropavl qalasy arqyly uıymdastyrylady;
– júk avtokólikteri úshin kelesi balama baǵyttar usynylady:
- KAZ02 «Astana – Kókshetaý (aınalma jolymen) – Petropavl – RF shekarasy (Jańa jol ótkizý pýnkti)» avtojolynyń 481-473 shq aralyǵy;
- KAZ13 «Jezqazǵan – Arqalyq – Petropavl» avtojolynyń 946-938 shq aralyǵy;
- KZ15-02 «Peterfeld – Arhangelskoe – Novokamenka – «Jezqazǵan – Arqalyq – Petropavl» avtojoly» avtojolynyń 0-30,519 shq aralyǵy.
Joldy 2026 jylǵy 3 tamyz saǵat 09:00-de ashý josparlanǵan.
«QazAvtoJol» ulttyq kompanııasy júrgizýshilerden jol júrý baǵytyn aldyn ala josparlaýdy jáne jol belgileriniń talaptaryn saqtaýdy suraıdy.
Aıta keteıik, Astana – Qaraǵandy tasjolynyń bir bóligi eki aptaǵa jabylady.
