Petropavl aıaldamalarynda Abaı shyǵarmalarymen tanysýǵa bolady
Bastama avtory - Petropavldaǵy Ivan Shýhov atyndaǵy qalalyq kitaphana ujymy. Mekeme qyzmetkerleri shahardaǵy birneshe aıaldamaǵa aqynnyń shyǵarmalarymen tanysýǵa múmkindik beretin shtrıhkodttary bar stendterdi ildi. Endi QR kod arqyly kez kelgen adam gadjetine Abaıdyń óleńderi men qara sózderin júktep, oqı alady.
«Aıaldamada avtobýs kútip, ýaqytty bos ótkizbeı, Abaıdyń shyǵarmasymen tanysýǵa bolady. Bul stendterdi negizinen jastar úshin ildik. Olar tehnıkanyń tilin jaqsy meńgergen, ýaqyttarynyń basym bóligin smartfonda ótkizedi. Maqsatymyz osylaısha jastar arasynda Abaıdyń shyǵarmalaryna qyzyǵýshylyq týdyrý. Jalpy jastardy kitap oqýǵa baýlý», - deıdi I.Shýhov atyndaǵy qalalyq kitaphananyń aǵa kitaphanashysy Tatıana Fomına.
Ázirshe, mundaı erekshe aıaldamalar tek Abaı kóshesinde ǵana bar. Ári, kolledj ben ýnıversıtet stýdentteri kóp júretindikten stendter osyndaǵy jeti aıaldamaǵa ilingen. Bolashaqta QR kody bar taqtalardy qalanyń basqa jerlerinen kórýge bolady.
