Petropavl áýejaıy Astanamen aradaǵy avıareısterin retke keltirdi
PETROPAVL. QazAqparat - Petropavl halyqaralyq áýejaıy elordaǵa avıareısterin jańartty, dep habarlaıdy «QazAqparat» HAA tilshisi qala avıakassasynyń aqparatyna silteme jasaı otyryp.
Ushaqtar 8 qarashadan bastap áýege kóterile bastady. Ázirge avıaqatynas tek qana Astanamen ǵana retke keltirildi. Qalalyq avıakassada reıster aptasyna eki ret: seısenbi jáne senbi kúnderi oryndalatynyn aıtty. Bılet quny 10 myń teńge. Ushaq Astanadan - 13:40-ta ushyp shyǵyp, Petropavlǵa 12:50-de qonady. Halyqaralyq áýejaıdyń ushý-qoný jolaqtaryn jóndeý jumystary aıaqtaldy, termınaldy qaıta qurý jalǵastyrylýda. Ushý-qoný jolaǵyn jańǵyrtýǵa jáne ilespe jabdyqty ornatýǵa respýblıkalyq bıýdjetten 6 mlrd. teńge, jolaýshylar termınalynyń ǵımaratyn jańartýǵa 29 mlrd. teńge bólindi. 
