Petropavl: Asqar Mamın Oqýshylar saraıynyń qurylysymen tanysty
PETROPAVL. QazAqparat - QR Premer-Mınıstriniń birinshi orynbasary Asqar Mamın oblys ortalyǵynda salynyp jatqan «Jas Órken» shaǵyn aýdanynda boldy, dep habarlaıdy «QazAqparat» HAA tilshisi.
Tamyz aıynda bul jerde oblystaǵy IT-tehnologııa ortalyǵy, sonymen qatar kınostýdııa, ártúrli úıirmeler, kıberqorǵanys sııaqty kóptegen zamanaýı kabınettermen qamtylǵan Oqýshylar saraıy ashylmaq.
«Munda erekshe dúnıeler jınaqtalatyndyqtan, Oqýshylar saraıy Reseıdiń de balalaryn qyzyqtyratyn bolady»,-deıdi oblys ákimi Qumar Aqsaqalov.
Dál osy shaǵyn aýdanda Turǵyn úı qurylys jınaq banki salymshylaryna arnalǵan 332 páterlik jańa baspana turǵyzylýda. Munda árqaısysy 90 oryndyq eki shaǵyn-ortalyq ashylmaq. «Osnovanıe» JShS dırektory Sergeı Tımofeevtiń aıtýynsha, jańa úı 2019 jyldyń birinshi jarty jyldyǵynda tapsyrylady dep josparlanǵan. Jobanyń jalpy quny 3,7 mlrd teńge.
Shaǵyn aýdanda sonymen qatar, mektep, qazaq teatry, zamanaýı sáýletpen árlengen jańa úıler paıda bolady. Tennıs ortalyǵy men Oqýshylar saraıy qazirdiń ózinde turǵyzylyp qoıǵan.
