Petropavl ákimi saltanatty túrde ant qabyldaǵan áskerı qyzmetkerlerdi quttyqtady
PETROPAVL. 14 shilde. QazAqparat - Búgin Petropavlda oblys ortalyǵynyń ortalyq alańynda, qala ákimdigi ǵımaratynyń aldynda QR ІІM Іshki áskeri 6637 áskerı bóliminiń qyzmetkerleri saltanatty túrde ant qabyldady.
Áskerı bólimge Astanadan, Almaty men Ońtústik Qazaqstannan kelgen 200 jas sarbaz Qazaqstan halqyna jáne onyń Prezıdentine adal eńbek etýge, Konstýtsııa men eldiń zańnamasyn qatań saqtaýǵa ýáde berdi.
Buǵan deıin olar bir aı boıy jas sarbazdar kýrsynan ótti. Endigide olar 2 apta boıy qarýdy qalaı qoldaný kerektigin úırenip, zertteıtin bolady, sodan keıin olardyń árqaısysy jeke qarýǵa ıe bolyp, ózindik qyzmet atqarýǵa kirisedi. Bir aıdan keıin qurylymdar boıynsha úılestirý bastalady.
Áskerı qyzmetkerlerdiń bir bóligi jabyq túzetý mekemelerin kúzetetin atqyshtar batalonynyń quramynda qyzmet etetin bolsa, basqalary shuǵyl maqsattaǵy batalonnyń quramyn tolyqtyrady, olardyń basty maqsaty - Petropavl kóshelerindegi qoǵamdyq tártipti baqylaý.
Jas sarbazdardy quttyqtaýǵa Petropavl qalasynyń ákimi Bolat Jumabekov, qoǵam ókilderi, ardagerler, olardyń týystary men dostary keldi.
Ant qabyldaý rásiminiń sońynda bólimniń áskerı qyzmetkerleri alańda saltanattyq sappen júrip ótti.
