Petropavl ákimdigi daýly kottedj oqıǵasyna túsinik berdi
PETROPAVL. QazAqparat – Petropavlda mektep qurylysyna kedergi keltirgen kottedjdiń órtenýine baılanysty qalalyq ákimdik túsinik berdi, dep habarlaıdy QazAqparat tilshisi.
Petropavl qalasy ákiminiń áleýmettik máseleler boıynsha orynbasary Asqar Habıbýlın áleýmettik jelilerde órtengen kottedj boıynsha tıisti organdardyń jumys istep jatqany týraly aıtty.
«Órtengen baspana Petropavl qalalyq turǵyn úı-kommýnaldyq sharýashylyq bóliminiń menshigi. Romahınder otbasynan 80 sharshy metrlik turǵyn úı memleket qajettiligi úshin alynyp, onyń ornyna jalpy aýdany 120 sharshy metr bolatyn úsh bólme eki páter berildi.
Búgin saǵat 17.00-de baspanany zańsyz ıelengen Romahınder otbasyn úıden erikterinen tys shyǵarý jóninde sot otyrysy bolady. Barlyq zańdy normalar saqtalǵan, olardy úıden shyǵarýǵa qarsy bolatyn esh negiz joq. Órttiń shyǵý sebebin anyqtaý máselesi baqylaýda», - dep jazdy Asqar Habıbýlın.
Buǵan deıin Petropavldaǵy 900 orynǵa arnalǵan mekteptiń qurylysyn tejegen kottedjdiń órtengeni týraly aıtqan edik.
