Petroleum Operatin kompanııasyn basqarǵan A.Asanbaev rýmyndyq Rompetrol treıdıngtik kompanııasynyń dırektory qyzmetine taǵaıyndaldy
QazMunaıGaz qazaqstandyq memlekettik holdınginiń ıeligindegi Rompetrol-da Asanbaev maýsym aıynan bastap marketıng qyzmetine basshylyq etetin bolady. Ázirge oǵan qandaı qyzmet júkteletini ázirge belgisiz.
Mamyr aıynan bastap Petroleum Operating-ge Rýfat Qojalaqov basshylyq etýde, ol buryn Atyraý munaı óńdeý zaýytynyń kommertsııalyq dırektory bolyp qyzmet atqarǵan bolatyn.
Shveıtsarııada ornalasqan TH Kazmunaigaz saýda kompanııasyn basqaratyn Tımýr Azımov Rompetrol-diń treıdıng boıynsha vıtse-prezıdenti qyzmetine taǵaıyndaldy.
Sarapshylardyń sózine qaraǵanda, Asanbaev munaı marketıng salasynda tájirıbeli maman. Petroleum Operating kompanııasyna taǵaıyndalmas buryn ol uzaq ýaqyt «Sanoıl» iri saýda kompanııasynda jumys istegen. Eki kompanııa da qazaqstandyq munaı óńdeý zaýyttaryna alys-beris munaıdy jetkizedi, sondaı-aq Qazaqstannan munaı ónimderin eksporttaıdy.
Rompetrol QazMunaıGaz kompanııasyna 100 paıyzǵa tıesili, onyń quramyna rýmyndyq Petromidia jáne jıyntyq qýattylyǵy shamamen jylyna 5,5 mln. tonna ónim shyǵaratyn Vega munaı óńdeý zaýyttary, sonymen qatar Rýmynııa, Frantsııa, Ispanııa, Moldavııa, Ýkraına, Bolgarııa jáne Grýzııa memleketterindegi 1 myńnan astam janar-jaǵarmaı jelisi kiredi.