«PetroQazaqstan» saýda úıi AI-92 benzıniniń kóterme baǵasyn 69 teńge/lıtr dep belgiledi
ShYMKENT. Aqpannyń 9-y. QazAqparat /Tatıana Pylaeva/ - Janar-jaǵarmaı materıaldarynyń barlyǵyna birdeı shartpen kóterme jetkizilimi týraly mindettemege sáıkes, «PetroQazaqstan» saýda úıi Almaty, Jambyl, Ońtústik Qazaqstan, Qaraǵandy, Qyzylorda oblystaryna, sondaı-aq Almaty qalasyna jáne «Qazaqstan temir joly» ulttyq kompanııasyna baǵa usynystaryn joldady,
dep habarlady Saýda úıiniń baspasóz qyzmetinen.
«Usynylǵan kóterme baǵalar naryqtyń ózge qatysýshylary usynyp otyrǵan baǵadan aspaıdy, ony belgileý barysynda naqty suranystar men olardy tasymaldaý, kúzetý, munaı bazalarynda saqtaý shyǵyndary eskerildi. Qazirgi ýaqytta «PetroQazaqstan» saýda úıinde Aı-92 benzıniniń kóterme baǵasy, mysaly 69 teńge/lıtrdi quraıdy», - delingen kompanııanyń baspasóz qyzmeti taratqan habarlamada.
«Ońtústik Qazaqstan oblysynan basqa, barlyq derlik oblys ákimdikterinen oń jaýaptar alyndy, al Ońtústik Qazaqstan oblysynyń ákimdigimen jetkizilim baǵasy boıynsha ázirge aýyzsha kelisimge ǵana qol jetkizildi», delingen habarlamada.
Saýda úıiniń basshylyǵy belgilengen kóterme baǵany Úkimettiń janar-jaǵarmaı naryǵyn turaqtandyrý jónindegi kúsh-jigerin qoldaý sharasy retinde túsindirýde.
