Petr Poroshenko aqpan aıynda Tramppen kezdesýge nıetti

ASTANA. QazAqparat - Ýkraına memleketiniń basshysy Petr Poroshenko aqpan aıynda AQSh-tyń jańa saılanǵan prezıdenti Donald Tramppen kezdesýge nıetti ekenin bildirdi. Bul týraly Poroshenko Davosta ótken Búkilálemdik ekonomıkalyq forým kezinde The Wall Street Journal-ǵa bergen suhbatynda aıtty, dep jazady RBK.

Ol kelesi aıda Vashıngtonǵa barýdy josparlap otyrǵanyn jetkizdi. «Bul (Tramppen kezdesý) men úshin úlken ǵanıbet bolar edi», - dedi Ýkraına prezıdenti.

Poroshenko qarasha aıynda Amerıkanyń jańa saılanǵan prezıdentimen telefon arqyly tildeskenin eske saldy jáne aldaǵy kezdesý tıimdi bolmaq dep pikir bildirdi. Onyń aıtýynsha, Tramp áńgime barysynda Ýkraınadaǵy oqıǵalarǵa qatty qyzyǵýshylyq bildirgen, onyń ishinde Donbass pen Qyrym máseleleri talqylanǵan. «Bizdi AQSh-tyń eki partııasy da qoldap otyr, - dep atap ótti ýkraınalyq prezıdent. - AQSh-pen kooperatsııanyń jalǵasy óte tıimdi bolaryna senimdimin».

Poroshenko Reseıge qarsy sanktsııanyń alynaryna kúmánmen qaraıtynyn aıtty, dese de batys elderi shekteý sharalaryn azaıtar bolsa, ózderiniń qaýipsizdigine qaýip tónetinin atap ótti.