Petr Pavel Chehııanyń jańa prezıdenti boldy
61 jastaǵy Pavel osy demalys kúnderi bolǵan prezıdent saılaýynyń ekinshi kezeńinde 58,32 % daýys jınady.
2017 jyldan 2021 jylǵa deıin Chehııanyń premer-mınıstri bolǵan onyń qarsylasy Andreı Babısh saılaý nátıjeleri jarııalanǵannan keıin sóılegen sózinde óziniń jeńilgenin resmı moıyndady. Al qazirgi Chehııanyń prezıdenti Mılosh Zemannyń ekinshi merzimi osy jyldyń naýryz aıynda aıaqtalady.
BBC News Chehııadaǵy prezıdent saılaý naýqany kezinde kandıdattarǵa qatysty qastandyq uıymdastyrý jáne olarǵa qatysty jalǵan aqparattar bolǵanyn málimdedi. Ótken aptanyń basynda Petr Pavel óziniń Twitter paraqshasynda, jalǵan veb-saıttarda jáne elektrondyq poshta arqyly taratylǵan qastandyq týraly qaýesetterdi joqqa shyǵardy.
Alaıda onyń qarsylasy Babısh bul dezınformatsııany aıyptady. Ol birneshe kún buryn ózine anonımdi qastandyq tóndirý jaıly aqparat alǵannan keıin jeke qaýipsizdigi úshin naýqannyń barlyq jeke kórinisterin toqtatqan.
Al Eýropalyq komıssııanyń tóraǵasy Ýrsýla fon der Lıaıen Petr jańa saılanǵan Paveldi quttyqtaı otyryp, «eýropalyq qundylyqtarǵa berik mindettemesin» quptaıtynyn jetkizdi.
Foto: FILIP SINGER/EPA-EFE/REX/SHUTTERSTOCK