PET/KT zertteýleri jyl saıyn ulǵaıtylady

ASTANA. KAZINFORM — Pozıtrondy-emıssııalyq tomografııa-kompıýterlik tomografııa (PET/KT) zertteýleri jyl saıyn ulǵaıtylady. Bul týraly Májilis depýtattarynyń saýalyna Premer-mınıstr Oljas Bektenovtiń jaýabynda aıtylǵan.

— ıAdrolyq medıtsınany damytý, onyń ishinde radıofarmatsevtıkalyq preparattardy óndirý, dıagnostıka jáne emdeý máseleleri densaýlyq saqtaý salasynyń ózekti baǵyty. Qazirgi ýaqytta elde mamandandyrylǵan uıymdar jelisi qalyptasty.

Radıofarmatsevtıkalyq preparattaróndiretin 5 óndiristik alań, 24 apparaty bar 12 ıadrolyq medıtsına ortalyǵy, 23 aktıvti palata jumys isteıdi. Onkologııalyq kómektiń mańyzdylyǵyn eskere otyryp, dıagnostıkalyq qýattylyqty arttyrý sharalary qabyldanýda. Infraqurylym keńeıgen saıyn dıagnostıkalyq zertteýler (PET/KT) kólemi 2026 jyly 68 myńǵa deıin (18,8 mlrd teńge), 2027 jyly 73 myńǵa deıin (20,1 mlrd teńge), 2028 jyly 134 myń zertteýge deıin (37 mlrd teńge) ulǵaıtylatyn bolady, — dedi Oljas Bektenov.

Úkimet basshysynyń málimetinshe, jańa radıofarmatsevtıkalyq preparattar qoldanylatyn dıagnostıkalyq zertteýlerdiń tarıfterin bekitý jumystary júrgizilip jatyr.

— ıAdrolyq medıtsına qyzmetin jetildirý maqsatynda ıAdrolyq medıtsınany damytý jónindegi 2026-2031 jyldarǵa arnalǵan jol kartasy bekitilgen. Onyń aıasynda ınfraqurylymdy damytý, radıofarmatsevtıkalyq preparattaróndirý men ony keńeıtý, zamanaýı dıagnostıkalyq tehnologııalardy engizý jáne kadrlyq áleýetti nyǵaıtýǵa deıingi qyzmet kórsetýdiń búkil tsıklin qamtıtyn ıadrolyq medıtsınanyń ornyqty ulttyq júıesin qalyptastyrý boıynsha kezeń-kezeńimen iske asyrylatyn sharalar kózdelgen, — dedi Premer-mınıstr.

Buǵan deıin tomoterapııa tarıfiniń mólsheri qaıta qaralatynyn jazǵan edik.