Petıtsııa: shekti daýysty 50 myńnan asyrý talqylanyp jatyr

ASTANA. KAZINFORM – Mádenıet jáne aqparat mınıstri Aıda Balaeva onlaın petıtsııaǵa qatysty olqylyqtardy qaıta qaraýǵa daıyn ekendigin aıtty. 

«Shekti daýysty jınaǵan petıtsııalardyń memlekettik organdardyń deńgeıinde talqylanyp jatqany onlaın petıtsııa júıesiniń nátıjeli bolǵanyn kórsetedi. Eger olqylyqtar bolǵan jaǵdaıda biz ózgerister engizýge daıynbyz. Shekti daýysqa kelsek, 50 myń daýysty bir kúnde nemese uıymdasqan túrde jasalynýy múmkin degen suraqtar týyndady, sondyqtan biz ony kóbeıtý máselelerin talqylap otyrmyz», - dep jaýap berdi Aıda Balaeva agenttik tilshisiniń saýalyna Májilis qabyrǵasynda.

Aıta ketsek, bıyl qyrkúıekte elimizde petıtsııa ınstıtýtynyń qurylǵanyna 1 jyldan astam ýaqyt ótti. Osy aralyqta arnaıy ázirlengen epetition.kz portalynda ornalastyrylǵan 102 petıtsııanyń tek 4-eýi ǵana ótinishti qaraý úshin qajetti el azamattarynyń qolyn jınaı alǵan eken.

Eske salaıyq, qazaqstandyqtar belsendi qatysyp, keń talqylanǵan «Ýaqytty keri qaıtarý» petıtsııasy boldy. Degenmen Saýda jáne ıntegratsııa mınıstrligi petıtsııa talabyn oryndaýdan bas tartty.