Petıtsııa shekti daýys jınalǵannan keıin ǵana jurtshylyqqa usynylady – mınıstrlik

ASTANA. QazAqparat – Petıtsııa shekti daýysty jınaǵannan keıin ǵana jurtshylyqqa usynylady, dep habarlaıdy QazAqparat tilshisi.

«Petıtsııa týraly zań jobasy qabyldanǵannan keıin arnaıy saıt ázirlenedi. Ol jerde azamattar petıtsııa berýge ótinish qaldyra alady. Avtorǵa tikeleı silteme beriledi, sol silteme arqyly petıtsııa ıesi shekti daýysty jınaýy kerek. Belgilengen shekti daýys jınalǵannan keıin petıtsııany kópshilikke ashyq túrde jarııalap, jurtshylyq nazaryna keńinen usynýǵa bolady. Buny ashyq petıtsııa dep aıtýǵa bolady», - dedi Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet «Amanat» partııasynda ótken brıfıngide.

Aıta ketsek, Májilis depýtaty Edil Jańbyrshın petıtsııaǵa jazýǵa tyıym salynatyn taqyryptar men onyń sebebin túsindirip ótti.

Odan bólek, brıfıng barysynda «Petıtsııa arqyly sheneýnikterdi laýazymynan bosatýǵa bola ma?» degen jaıtqa túsinik berildi.