Petıtsııa ınstıtýtyn zańdastyramyz – Asqar Ýmarov

NUR-SULTAN. QazAqparat – Elimizde petıtsııa ınstıtýtyn zańdastyrýǵa baǵyttalǵan qujat qabyldanady. Bul týraly QR Aqparat jáne qoǵamdyq damý mınıstri Asqar Ýmarov vedomstvonyń keńeıtilgen alqa májilisinde málim etti, dep habarlaıdy QazAqparat tilshisi.

«Aqparatqa qol jetkizý týraly» Zańǵa ózgerister men tolyqtyrýlar engizildgenin bilesizder. Soǵan sáıkes, aqparatqa qol jetkizýge jaýapty ýákiletti tulǵa ınstıtýty engizildi. Búginde búkil memlekettik organda jaýapty adamdar anyqtaldy. Olardy oqyttyq. Qazirgi tańda olardyń jalpy sany 1400-den asady.

Alǵash ret Memleket basshysyna Qazaqstandaǵy aqparatqa qol jetkizý salasynyń jaı-kúıi týraly jyldyq esep daıyndaldy. Baıandama qoǵamda jáne saraptamalyq ortada keńinen talqylandy. Sondaı-aq Aqparatqa qol jetkizý máseleleri jónindegi komıssııa otyrysynda qaraldy», - dedi Asqar Ýmarov.

Mınıstr jergilikti byltyrdan beri alǵash ret máslıhattardyń sessııalary Ai-tube platformasynda onlaın kórsetile bastaǵanyn eske saldy.

«Sondaı-aq Eýropadaǵy qaýipsizdik jáne yntymaqtastyq uıymymen birlesip máslıhat depýtattaryna trenıngter men vebınarlar ótkizdik.

Qazirgi ýaqytta BAQ ókilderimen ózara is-qımyl suraǵynda memlekettik organdar qyzmetiniń tıimdiligin baǵalaýdyń jańa krıterıleri engizildi», - degen vedomstvo basshysy «Halyq únine qulaq asatyn memleket» qaǵıdatyn engizý tásilderine toqtaldy.

«Birinshi. Memlekettik basqarýdy damytýdyń 2030 jylǵa deıingi tujyrymdamasy sheńberinde jobalardy iske asyrý.

Ekinshi. Memleket basshysyna usynylatyn aqparatqa qol jetkizý salasynda kezekti esepti daıyndaý.

Úshinshi. «Qazaqstan Respýblıkasynyń keıbir zańnamalyq aktilerine qoǵamdyq baqylaý máseleleri boıynsha ózgerister men tolyqtyrýlar engizý týraly» zań jobasyn qabyldaýǵa atsalysý. Qujat petıtsııa ınstıtýtyn zańdastyrýǵa baǵyttalǵan», - dedi mınıstr.