Peterbýrgtegi teraktige qatysty 8 adam ustaldy
ASTANA. QazAqparat - Sankt-Peterbýrg metrosyndaǵy jarylysqa qatysty terrorıstik uıashyqtyń segiz múshesi ustaldy. Bul týraly Reseıdiń Federaldyq qaýipsizdik qyzmetiniń dırektory Aleksandr Bortnıkov málim etti, dep habarlady RIA «Novostı».
«Jedel izdeý jáne tergeý sharalary barysynda jasyryn terrorıstik uıashyqtyń 8 múshesi ustaldy. Altaýy Sankt-Peterbýrgte, ekeýi Máskeýde bolǵan. Barlyǵy Ortalyq Azııa aımaǵynyń týmalary», - dedi Bortnıkov. Ol lańkesterdiń sybaılastaryn izdeý sharalary jalǵasyp jatqanyn atap ótti. «Kóp qarý-jaraq tárkilendi. Uıymdastyrýshylar men yqtımal sybaılastardy izdeý júrgizilip jatyr», - dedi ol.
Budan buryn Sankt-Peterbýrgtiń Nevskıı aýdandyq soty metrodaǵy jarylys isi boıynsha tutqyndalǵan alty adamdy 2 maýsymǵa deıin qamaýda ustaý týraly qaýly shyǵardy. Jarylys 3 sáýirde «Sennaıa ploşad» jáne «Tehnologııalyq ınstıtýt-2» stansalary arasynda bolǵan edi.
Keıinnen «Ploşad Vosstanııa» stansasynda qoldan jasalǵan bomba tabyldy. Tergeý nusqasy boıynsha, teraktini iske asyrǵan Qyrǵyzstan týmasy Akbarjon Djalılov. Tergeýshilerdiń aıtýynsha, ol «Ploşad Vosstanııa» stansasyna jarylǵysh zat tastap, keıin poıyz vagonynda ózin-ózi jaryp jibergen.
