Peterbýrgte er adam áıeli men balasyn óltirip, óz-ózine qol saldy
ASTANA. QazAqparat - Peterbýrg polıtsııasy er adamnyń, onyń áıeli men tórt jasar ulynyń óliminiń mán-jaıyn tekserýde. Qaıǵyly oqıǵa qalanyń Frýnze aýdanynda oryn aldy, dep jazady sheteldik BAQ.
Óńirlik polıtseı Basshylyǵynyń baspasóz qyzmeti habarlaǵandaı, 35 jastaǵy er adamnyń múrdesi Malaıa Balkanskaıa kóshesi boıyndaǵy №32 úıdiń terezesiniń janynan tabyldy. Polıtsııa er adamnyń osy úıdiń 13-shi qabatynan sekirgendigin rastaǵan.
Qaza tapqan adamnyń kim ekeni jáne meken-jaıy anyqtalysymen, polıtseıler sol úıdiń 2-shi qabatyndaǵy marqumnyń páterine kelgende pyshaq jaraqattarynan qaıtys bolǵan áıeli men tórt jasar ulynyń múrdesin tapqan.
Aldyn ala derekter boıynsha, er adam oqıǵa bolatyn túnniń aldynda Sankt-Peterbýrg túngi klýbtarynyń birinde kóńil kóterip, keıin úıine kelip óz-ózine qol salǵan.
Qazir polıtsııa bolǵan oqıǵanyń mán-jaıyn anyqtaýda. Polıtsııa qyzmetkerleri otaǵasynyń áıeli men balasyn óltirýge qatystylyǵyn joqqa shyǵarmaı otyr.
