Peterbýrgta TMD elderi Іshki ister mınıstrleri keńesiniń otyrysy ashyldy
SANKT-PETERBÝRG. Qyrkúıektiń 17-si. QazAqparat /Elena Mıagkova/ - Peterbýrgta TMD memleketteri Іshki ister mınıstrleri keńesiniń otyrysy ótýde.
Ashylý saltanatynda sóz sóılegen Sankt-Peterbýrg gýbernatory Valentına Matvıenko, «biz búgin «memleketterimizdiń shekaralary dostyq, iskerlik baılanystardy nyǵaıtý úshin ashyq, al zańdy buzatyndar úshin tars jabyq bolýyn qamtamasyz etýdiń barlyq jolyn jasaýymyz kerek. Osy máselelerdi sheshýde TMD qatysýshy memleketteriniń quqyq qorǵaý vedomstvolary jetekshi ról atqarady», - dep atap ótti.
Onyń aıtýynsha, Keńes otyrysynyń Sankt-Petrbýrgte ótkizilýiniń naqty zańdylyǵy bar. «Peterbýrg elimiz boıynsha qylmystyń tómendeý satysy boıynsha kóshbasshy orynda keledi. Biz quqyq buzýshylyqtardyń aldyn alý, jemqorlyq qylmystarǵa, esirtkiniń zańsyz aınalymyna qarsy kúreste birshama tájirıbe jınaqtap aldyq. Peterbýrg Eýropa megapolısterin esirtkige qarsy qozǵalysqa biriktirgen Deklaratsııany alǵashqylardyń biri bolyp qabyldady», - dedi Valentına Matvıenko.
