Peterbýrgke ushyp bara jatqan Air Moldova kompanııasynyń ushaǵyna naızaǵaı tıdi
MÁSKEÝ. QazAqparat - Air Moldova áýe kompanııasy Kıshınev-Sankt-peterbýrg baǵytyndaǵy reısin toqtatýǵa májbúr boldy. Buǵan sebep, kompanııanyń 113 jolaýshysy bar Embraer E-190 ushaǵyna naızaǵaı tıgen.
TASS agentiginiń habarlaýynsha, áýe kompanııasynyń baspasóz qyzmeti jaısyz oqıǵanyń laınerdiń Moldova astanasynan áýege kóterile salysymen 10 mınýttan soń Ýkraınanyń Odessa oblysynda bolǵandyǵyn habarlaǵan.
4 myń metr bıiktikte ketip bara jatqan ushaq Kıshenev áýejaıyna qondy.
«Aldyn ala málimetter boıynsha, naızaǵaı ushaqqa zııanyn tıgizbegen. Jolaýshylardyń azdap qoryqqany bolmasa, eshkim de zardap shekken joq. Soǵan qaramastan jolaýshylardy ózge reıspen jiberip, naızaǵaı tıgen laınerge qosymsha tekserý júrgizý jóninde sheshim qabyldandy»,-delingen baspasz málimetinde.
