Peterbýrg metrosynda tutandyrǵyshy jáne trotıl izderi bar granata tabyldy
ASTANA. QazAqparat - Peterbýrg metrosynyń «Prımorskaıa» stansasynda jolaýshylardyń birinen Ekinshi dúnıejúzilik soǵys kezindegi trotıl izderi bar granata tabyldy, dep habarlaıdy RIA Novostı.
Buryn habarlanǵandaı, «Prımorskaıa» stantsııasy saǵat 10.13-ten 11.29-ǵa deıin jabyq turǵan edi. Granataǵa uqsas kúdikti zat jolaýshylardyń biriniń sómkesin tekserý barysynda tabyldy. Oqıǵa ornyna jarylǵysh zattarmen jumys isteıtin tehnıkter shaqyrylyp, olar kúdikti zattyń zamanaýı tutandyrǵyshy bar Ekinshi dúnıejúzilik soǵys kezindegi RG-42 granatasy ekendigin rastady.
«Biraq granatanyń ishinde trotıl bolmaǵan, ıaǵnı tek izderi qalyp qoıǵan. Bul granata jartylaı jarylǵysh bolyp shyqty», - dedi agenttiktiń derekkózi.
