Peterborlyqtar jappaı qar tazalaýǵa shyqty
SANKT-PETERBOR. Jeltoqsannyń 28-i. QazAqparat /Elena Mıagkova/ - Sankt-Peterborda tótenshe jaǵdaılar qyzmetiniń kúshteri men áskerıler - 1 myńnan astam adam kóshelerdi qardan tazalaýǵa jumyldyryldy.
Olardyń mindetteri - turǵyndardyń qoǵamdyq kólik ótkelderi men aıaldamalaryna kedergisiz jetýlerin qamtamasyz etý, dep habarlady QazAqparat tilshisine qalalyq abattandyrý jáne jol sharýashylyǵy komıtetinen.
Qalany qardan tazalaýǵa qoldarynan kelgenshe kómekteskisi keletin turǵyndar úshin 2 myń kúrek arnaıy satyp alyndy. Abattandyrý komıtetiniń kezekshi qyzmetine habarlasyp, quraldy kez-kelgen adam alýǵa bolady.
Jeltoqsannyń 20-synan beri Peterborda qardyń aılyq normasy jaýyp otyr. Qazirgi tańda qar qabatynyń qalyńdyǵy 35 sm-den asady.
