Peterborlyq depýtattar Sergeı Mıronovty Federatsııa Keńesinen keri shaqyryp aldy
SANKT-PETERBOR. 18 mamyr. QazAqparat /Elena Mıagkova/ - Sankt-Peterbordyń zań shyǵarý jınalysy Federatsııa Keńesindegi ózderiniń ókili - Joǵarǵy palatanyń basshysy Sergeı Mıronovty keri shaqyryp alý týraly sheshim qabyldady.
Bul máseleni «Birtutas Reseı» fraktsııasy engizdi.
Mıronovtyń jumysyna degen negizgi narazylyqtar, qalanyń zań shyǵarý jınalysynyń spıkeri Vadım Tıýlpanovtyń aıtýynsha, - Peterbor parlamenti usynyp otyrǵan bastamalardy qoldamaı, qala gýbernatory Valentına Matvıenkony otstavkaǵa ketirýge shaqyrý.
«Men ózimniń ókilettigimdi toqtatýdyń qandaı da bir negizdemeleri týraly aıtpaımyn - men saıası erkindik týraly aıtamyn». Qazirgi sizderdiń sheshimderińiz reseılik parlamentarızmniń tarıhyna enedi, - dedi Mıronov peterborlyq depýtattarǵa qarata aıtqan sózinde. - Búgin osy jerde, Reseıdiń eń demokratııashyl qalasy delingen jerde sizder ózderińizge jaqpaǵan adamnyń izine túsýdi bastap otyrsyzdar».
Mıronov jaqyn ýaqytta Reseıde tóńkeris bolýy múmkin ekendigin aıtyp, onyń aldyn alýǵa memleket júıesiniń kóppartııalyǵy ǵana yqpal etetinin tilge tıek etti.
Sóz sońynda ol, taıaý kúnderi ótkiziletin qalalyq parlamentke saılaýdan keıin Peterbordyń Zań shyǵarý jınalysyna qaıtyp oralatynyna senim bildirdi. Sonymen qatar, Mıronov óziniń Reseı Memlekettik Dýmasynyń depýtattyǵyna da óz kandıdatýrasyn usynýy múmkindigin jasyrmady.
