Peterbordyń turǵyny mas kúıinde óz balasyn pyshaqtap tastady
ASTANA. QazAqparat - Polıtseıler Peterborda óz ulynyń ólimine qatysy bar degen kúdikpen 55 jastaǵy jergilikti turǵyndy ustady.
Peterborlyq tártip saqshylarynyń aqparatynsha, qylmys 8 jeltoqsanda oryn aldy. Tergeýshiler anyqtaǵandaı, bul kúni 1960 jyly týǵan peterborlyq er adam Petrov kóshesindegi óz páterinde ulymen birge ishimdik ishken.
Aşy sýǵa masaıǵan ákesi men ulynyń arasynda daý týady. Osydan soń úı ıesi ulyn pyshaqtaǵan. Alǵan jaraqattar saldarynan jábirlenýshi qaza tapty.
Atalǵan fakt boıynsha qylmystyq is qozǵaldy, tergeý amaldary júrgizilip jatyr, dep habarlady Reseılik BAQ.
