Peterbordaǵy temirjol jarylysyna qatysy bar degen kúdiktiler ustaldy
ASTANA. Aqpannyń 12-si. QazAqparat - Peterbor temirjolynda drezınanyń jarylýy týraly is boıynsha kúdik keltirilip otyrǵan Igor Grıtskevıch pen Vladımır Smırnov «Slavıan qoǵamy» ultshyldar uıymynyń músheleri bolyp tabylady,
dep habarlady «RIA «Novostı» agenttigine Peterbordyń quqyq qorǵaý organdaryndaǵy derekkóz.
Aqpannyń 2-si kúni máskeý ýaqyty boıynsha saǵat 04.23-te Sankt-Peterbor-Vıtebsk temirjolynyń Bronevaıa-Lıgovo ýchaskesinde jarylǵan bomba ótip bara jatqan drezınanyń kúlin kókke ushyrǵan bolatyn. Oqıǵa saldarynan drezına mashınısi aıaǵynan jaraqat alǵan bolatyn. Jarylǵysh qurylǵynyń qýaty trotıl balamasy boıynsha 200-400 gramm shamasynda bolǵan. Oqıǵa ornynda dıametri 1 metrdeı shuńqyr paıda bolǵan edi.
«Grıtskevıch pen Smırnov «Slavıandar qoǵamy» ultshyldar tobynyń músheleri bolyp tabylady. Olar toptyń atyn jarııa etý maqsatynda osyndaı qylmys jasaǵan. Olardyń sybaılastaryn anyqtaý jónindegi sharalar júrgizilip jatyr», dep habarlaıdy derek kóz.
Jarylys fakti boıynsha RF Qylmystyq kodeksiniń 222-shi baby boıynsha (jarylǵysh zattardyń zańsyz aınalymy) qylmystyq is qozǵalyp otyr, bul bap boıynsha kinálilerdi 8 jylǵa deıin jaza kútip tur.
