Peterbordaǵy Petropavl qamalynda tabylǵan súıekter Romanovtardiki bolýy múmkin

Reseıdiń Ǵylym akademııasy Materıaldyq mádenıetter tarıhy ınstıtýtynyń aǵa qyzmetkeri, arheolog Vladımır Kıýldıshevskıı baspasóz máslıhatynda, "súıekterdiń kimdiki ekenin quramyna arheologtardan basqa, krımınalıster men tarıhshylar kiretin arnaıy jumys toby anyqtaıtyndyǵyn" málim etti.

Ǵalym, jumys tobynyń súıekterdi zertteýge qashan kirisetini áli belgisiz ekenin naqtylady. «Bul, birinshi kezekte, zertteý jumystaryn qarjylandyrý máselesine baılanysty bolady. Oǵan qosa, sot-medıtsınalyq sarapshylarynyń súıekterdi qansha ýaqyt zertteıtini belgisiz, mysaly Ekaterınborda tabylǵan patsha súıekteri bir jyldaı zerttelgen bolatyn. Al bul jerde 16 adamnyń súıegi tabylyp otyr», dep naqtylady arheolog.

Kıýldıshevskıı, súıekterdiń sot-medıtsınalyq sarapshylaryna berilgenin aıtyp ótti.