Peterborda jaýǵan qalyń qar tarıhı rekord ornatýda
SANKT-PETERBOR. Jeltoqsannyń 25-i. QazAqparat /Elena Mıagkova/ - Peterbordy qalyń qar basyp qaldy. Ótken táýlikter boıy tolassyz jaýǵan qar, 1981 jyldan beri jaýǵan eń qalyń «ulpa» boldy.
Qar qabatynyń deńgeıi 30 sm deıin jetti, dep habarlady QazAqparat tilshisine «Gıdromettsentr» málimetterine silteme jasaǵan Peterbor ákimshiliginiń baspasóz qyzmetinen.
Peterbor vıtse-gýbernatory Alekseı Sergeevtiń aıtýynsha, qalyń qardy tazalaýǵa qaladaǵy barlyq jınaý tehnıkasy shyǵarylyp, barlyq adam resýrsy jumyldyrylýda. Qazirgi tańda qalany tolassyz jaýǵan qardan tazalaýǵa 1 216 birlik qar jınaıtyn tehnıka, 340 samosval, 162 júk tıeıtin kólik atsalysýda. Oǵan qosa, taǵy 1 myńnan astam adam qar jınaýǵa jumyldyrylǵan.
Aldaǵy kúnderde aýa raıynyń jaısyz bolatyny týraly boljam jasalyp otyr. Sınoptıkterdiń pikirinshe, qar aptanyń sońyna deıin jaýady jáne tarıhı rekord taǵy bir ret jańarady.
