Peterborda jarylysqa ushyraǵan Lenınniń eskertkishi ornyna oraldy
SANKT-PETERBOR. Sáýirdiń 15-i. QazAqparat /Elena Mıagkova/ - Osydan bir jyl buryn Sankt-Peterbordyń Fınlıandııa vokzaly alańyndaǵy jarylysqa ushyraǵan eskertkish jóndeýden ótkizilip, burynǵy ornyna qaıta qondyryldy.
Eskertkishke belgisiz bireýdiń 2009 jylǵy sáýirdiń 1-inde qasaqana jasaǵan jarylysynan zaqym kelgen edi.
Músinniń artqy jaǵyndaǵy tómengi bóliginiń dıametri 1 metrdeı qýysty qaıta óńdeý úshin ol byltyrǵy qazannyń 26-synda avtokranmen bólshektelip, uzyn júk kóligimen sheberhanaǵa jóneltilgen-di. Qaıta jóndeý barysynda eskertkishtiń jetispeıtin bólikterin «tańdap alynǵan» qola kesektermen tolyqtyrýǵa, al arakidik - eskertkishtiń túpnusqasy quıylǵan, ótken ǵasyrdyń 20-synshy jyldaryndaǵy metall quramyna jaqyndatylǵan qurammen tolyqtyrýǵa týra keldi. Jarylys ekpinimen julyp áketilgen Lenın plaşynyń kesindisi tyń qolamen jańartyldy.
