Peterborda týrısterge salyq salynbaq
SANKT-PETERBOR. Jeltoqsannyń 23-i. QazAqparat /Elena Mıagkova/ - Sankt-Peterbor gýbernatory Valentına Matvıenko qala úkimetine týrısterdiń soltústik astanada júrip-turýyna arnaıy salyq salý múmkindigin qarastyrýdy tapsyrdy.
Qalalyq ákimshiliktiń baspasóz qyzmetinen habarlaǵandaı, gýbernatordyń aıtýynsha, túsken qarjy qalanyń tarıhı ortalyǵyn kúzetýge jáne sáýlet eskertkishterin qalpyna keltirý maqsatyna jumsalatyn bolady.
V.Matvıenko hanymnyń túsindirýinshe, bul jerde kishigirim soma (shamamen adam basyna 2 eýrodan) týraly sóz bolyp otyr. Sheneýnikterdiń esepteýinshe, jylyna 5 mıllıonǵa deıin týrıst qabyldaı alatyn Peterbor, osy bastamanyń arqasynda jylyna qosymsha 10 mıllıon eýro tabys taba alady.
Peterbor úkimetiniń ınvestıtsııalar jáne strategııalyq jobalar jónindegi komıtetiniń málimeti boıynsha, 2009 jyly týrıster aǵyny byltyrǵy deńgeıde - 4,8 mıllıon adam shamasynda saqtalǵan. Olardyń jartysynan astamyn Reseıdiń ózge óńirleri men qalalarynan keletin qonaqtar quraıdy.
